Ye aur baat hai ki vo Hans kar udaas hai,
Lekin bichad kar mujhse vo Dilbar udaas hai
Tufan ke baad Is liye Khamoshiyan hui’n,
Maujo’n ne vo kiya ki Samander Udaas hai
Sardaar Kis Sabab se nigahon se chup gaya,
Jeeta hua hai phir bhi vo Lashkar udaas hai
Ye uske Ashq hain ye mera Khoon to nahi,
Takraya aake to pathhar udaas hai.
Usne Singhaar chod diya bad-e-tark-e-Ishq,
Khud apne faisle pe Mukaddar udaas hai
Halaat ne badal diye raste magar ‘Suhail’
Kya sochkar vafaon ka paikar udaas hai
SUHAIL KAKORVI-
|
Post a Comment