Mahabbat se jo katrate hain wo nadaan hote hain
Mahabbat karne wale kya hasin insaan hote hain
wo apne aur mere darmiyan aina rakhte hain
nigahon se ayan jab bhi mere armaan hote hain
jo khud aakar hamare deedao dil men samata hai
suna hai dekh kar usko khata ausaan hote hain wah
wahi lamhe ke jab uske siwa kuch bhi nahin dil men
wahi lamhe to apni zindagi ki jaan hote hain
tere paikar ka har pahlu teri ranai ka jalwa
tujhi ko dekh kar hum sahebe imaan hote hain
Haya ashke nadamat saile maye tufaane rangeeni
un ankhon men dibone ke bada saamaan hote hain
Suhail aksar nawazish husn ki is tarah hoti hai
ki hum uski adaye naaz ki pehchaan hote hain
------------------------------------------------------SUHAIL KAKORVI
DARMIYAN=BEECH MEN,AYAN =DIKHAI DENA,AUSAAN KHATA HONA=HOSH JAANA,PAIKAR=SHAREER,RANAI=SAUNDARYA,SAHEBE IMAAN=DHARMIK NISHTHAWAAN,ASHKE NADAMAT=SHARM KE ANSU,HAYA=LAJJA,SALEMAYE=SHARAAB KI BAADH,NAWAZISH=KRIPA,ADAYE NAAZ=SUNDARTA KI ADA
|
bht khoob surat... kya kahne wah! wah!!...