Us ka anjaam bhi mazloom[jis par julm kiya jae] ka jaisa hoga
Zulm karte hue kab usne ye socha hoga
Din gaye jab wo raha karta ghamgeen ghamgeen
Un dinon usne yaqeenan mujhe chaha hoga
Wo giraftare khudi[aham] hai use chodo khud par
Wo kisi aur ka hoga na wo apna hoga
Bus isi shauq ne takhlee[racha]kiya mera wajood[astitva]
Mere chehre pe use apna nazara hoga
Main wohi hun magar ab main wonahin hoon shayad
Lautne wale ko is baat ka khatra hoga
Usko bhi rehne do ab mujhse alag duniya men
Raat guzregi bharosa hai sawera hoga
Saath guzre hue lamhaat ka wo husn Suhail
Main na jab bhool saka kaise wo bhoola hoga
|
Post a Comment