NAQSH FARYAADI HAI KISKI SHOKHIYE TAHREER KA=GHALIB
AUR MERI KOSHISH,TAKRARE QAFIYA MERI ADAT NAHIN HAI LEKIN DO JAHAH ZARURATAN AISA KIYA HAI AUR YUN WO NA TO AIB HAI NA USE MANA KIYA GAYA HAI;
Todna hai zor sab takhreeb ki shamsheer ka
Hum iraada kar chuke hain ab nai tameer ka
Hai ye maqsad khoon se likkhi hui tehreer ka
aye dawaye darde dil ye hashr hai taaseer ka
sochta hoon zakhme dil ke haal uski tees par
"naqsh faryaadi hai kiski shokhiye tehreer ka"
qaid hone ke liye tayyar hai sara jahan
ye karishma hai tumhari zulf ki zanjeer ka
bus samajhte hain wahi jo hosh tujh par kho chuke
dushmane hosho khirad matlab teri taqreer ka
gar koi ye jaan le to jurm kar sakta nahin
hai bahot hi sakht wo lamha jo hai taazeer ka
usko manzil mil sakegi ya nahin mil payegi
ye bata dega yaqeenan hausla rehgeer ka
Baat sab aaraishe paikar se thi zahir magar
aa gaya tha wo bahana saath tha takheer ka
usne dekha usse tarke dosti karta hoon main
muntazir hai ab wo apne khwaab ki tabeer ka
muskurahat men simat aya hai sara bankpan
yun to har pahlu hasin hai yaar ki tasweer ka
marhaba roshan hui hai usse sari kainaat
sara jalwa hai nigahe husn ki tanweer ka
joshe maye se murtaish hone lagi sari faza
khud pe bhi qabu nahin hai maikade ke peer ka
Facebook ne kya talluq ka bana dala nizaam
hai yahan par jo bhi wo qissa hai bas tehreer ka
Darguzar shaan-e-Khuda hai jaante hain hum magar,
Haan shauoor-e-bandagi idraak hai taqseer ka…
Jo sukhanwar hain sukhan ke husn per dete hain jaan,
Motarif tha doston "Ghalib" to khud hi "Meer" ka.
surkhru hone chala tha ho na paya wo kabhi
mere age munh utar jaata hai uske teer ka
Ishq men had se guzar kar ab bahot afsos hai
Ek tamasha ban gaya hai izzato tauqeer ka
aapka daman chudana berukhi begaangi
kuch asar hum par na ho paya kisi tadbeer ka
Hain hamare dil men uske ashke ulfat ke guhar
koi batwara na kar payega is jaageer ka
Dekh kar us sach ke paikar ko mujhe aaya khayal,
Mauj per hai samne jaise samandar sheer ka.
usko le jakar wahan pachta raha hoon main Suhail
wo diwana ho gaya hai wadiye kashmeer ka-------------SUHAIL KAKORVI
SHAMSHEER=TALWAAR,TAKHREEB=TOD PHOD, TASEER=ASAR,PRABHAU,DARGUZAR=MAAF KARNA,TAHREER=LEKHNI,TAKHER=DER,TAMEER=BANANA,HOSH=CHETNA,KHIIRAD=VIVEK,AQL,MUNTAZIR-INTIZAARKARNA,TARKEDOSTI=SAMBANDHTODNA,TABEER=VIVECHNA,TANWEER=ROSHNI,MURTAISH=ASHANT,FAZA=WATAWARAN,MAIKADE KA PEER=SHARAABKHANE KA MALIK, TAQSEER= KHATA, Ghalti, SUKHANWAR= RACHNAKAAR, SUKHAN= SHAIRI, MOTARIF= SWIKAAR KARNE WALA. SHEER= DOODH..SURKHRU=SAPHAL,IZZATO TAUQEER=ATMSAMMAN,BEGANGI=ANJAANPAN,ASHKE ULFAT KE GOHAR=MOHABBAT KE ANSU JO MOTI BAN GAYE, SURKHURU= CHEHRA LAL HONA YA KAMYABI, TAUQEER= SAMMAN, BEGANGI= ANJANAPAN, TADBEER= PRAYAAS, ASHKE ULFAT KE GUHAR= MOHABBAT KE AANSU JO MOTI BAN GAYE.
AUR MERI KOSHISH,TAKRARE QAFIYA MERI ADAT NAHIN HAI LEKIN DO JAHAH ZARURATAN AISA KIYA HAI AUR YUN WO NA TO AIB HAI NA USE MANA KIYA GAYA HAI;
Todna hai zor sab takhreeb ki shamsheer ka
Hum iraada kar chuke hain ab nai tameer ka
Hai ye maqsad khoon se likkhi hui tehreer ka
aye dawaye darde dil ye hashr hai taaseer ka
sochta hoon zakhme dil ke haal uski tees par
"naqsh faryaadi hai kiski shokhiye tehreer ka"
qaid hone ke liye tayyar hai sara jahan
ye karishma hai tumhari zulf ki zanjeer ka
bus samajhte hain wahi jo hosh tujh par kho chuke
dushmane hosho khirad matlab teri taqreer ka
gar koi ye jaan le to jurm kar sakta nahin
hai bahot hi sakht wo lamha jo hai taazeer ka
usko manzil mil sakegi ya nahin mil payegi
ye bata dega yaqeenan hausla rehgeer ka
Baat sab aaraishe paikar se thi zahir magar
aa gaya tha wo bahana saath tha takheer ka
usne dekha usse tarke dosti karta hoon main
muntazir hai ab wo apne khwaab ki tabeer ka
muskurahat men simat aya hai sara bankpan
yun to har pahlu hasin hai yaar ki tasweer ka
marhaba roshan hui hai usse sari kainaat
sara jalwa hai nigahe husn ki tanweer ka
joshe maye se murtaish hone lagi sari faza
khud pe bhi qabu nahin hai maikade ke peer ka
Facebook ne kya talluq ka bana dala nizaam
hai yahan par jo bhi wo qissa hai bas tehreer ka
Darguzar shaan-e-Khuda hai jaante hain hum magar,
Haan shauoor-e-bandagi idraak hai taqseer ka…
Jo sukhanwar hain sukhan ke husn per dete hain jaan,
Motarif tha doston "Ghalib" to khud hi "Meer" ka.
surkhru hone chala tha ho na paya wo kabhi
mere age munh utar jaata hai uske teer ka
Ishq men had se guzar kar ab bahot afsos hai
Ek tamasha ban gaya hai izzato tauqeer ka
aapka daman chudana berukhi begaangi
kuch asar hum par na ho paya kisi tadbeer ka
Hain hamare dil men uske ashke ulfat ke guhar
koi batwara na kar payega is jaageer ka
Dekh kar us sach ke paikar ko mujhe aaya khayal,
Mauj per hai samne jaise samandar sheer ka.
Surkhuru hone chala tha ho na paaya tha kabhi,
Mere aage muh utar jaata hai uske teer ka….
Ishq me had se guzar kar ab bahut afsoos hai,
Ek tamasha ban gaya hai izzat-o-tauqeer ka…
Aapka daaman chhudana berukhi begangi,
Kuch asar hum per na ho paya kisi tadbeer ka.
Hain hamare dil me uske ashke ulfat ke guhar,
Koi batwara na kar payega is jageer ka.usko le jakar wahan pachta raha hoon main Suhail
wo diwana ho gaya hai wadiye kashmeer ka-------------SUHAIL KAKORVI
SHAMSHEER=TALWAAR,TAKHREEB=TOD PHOD, TASEER=ASAR,PRABHAU,DARGUZAR=MAAF KARNA,TAHREER=LEKHNI,TAKHER=DER,TAMEER=BANANA,HOSH=CHETNA,KHIIRAD=VIVEK,AQL,MUNTAZIR-INTIZAARKARNA,TARKEDOSTI=SAMBANDHTODNA,TABEER=VIVECHNA,TANWEER=ROSHNI,MURTAISH=ASHANT,FAZA=WATAWARAN,MAIKADE KA PEER=SHARAABKHANE KA MALIK, TAQSEER= KHATA, Ghalti, SUKHANWAR= RACHNAKAAR, SUKHAN= SHAIRI, MOTARIF= SWIKAAR KARNE WALA. SHEER= DOODH..SURKHRU=SAPHAL,IZZATO TAUQEER=ATMSAMMAN,BEGANGI=ANJAANPAN,ASHKE ULFAT KE GOHAR=MOHABBAT KE ANSU JO MOTI BAN GAYE, SURKHURU= CHEHRA LAL HONA YA KAMYABI, TAUQEER= SAMMAN, BEGANGI= ANJANAPAN, TADBEER= PRAYAAS, ASHKE ULFAT KE GUHAR= MOHABBAT KE AANSU JO MOTI BAN GAYE.
|
Post a Comment