Mujhko nahin hai uski shararat pe aitraaz
Phir usko kyon hai meri mohabbat pe aitraaz
Shayad use pasand hai sab harkato amal
Wo hans ke kar raha hai meri lat pe aitraaz
Jis haal men ho shukr karo ye hai bandagi
iske siwa to jo hai wo rahmat pe aitraaz
Ye khaas buzdilon ka amal hai ki chip ke wo
Karte bahaduron ki hain taaqat pe aitraaz
Halaat ke sitam pe bus ek aah maine ki
Karne laga wo meri aziyat pe aitraaz
Husne talab ke ismen hain pinhan hazaar rang
Hai tarze dilrubaye ye ulfat pe aitraaz
Rahte hain dayere men farebon ke jo Suhail
Karte wahi hain jazbe sadaqat pe aitraaz
--------------------------------------------------------SUHAIL KAKORVI
HARKATO AMAL=KARYA,RAHMAT=AISHWARIYA KRIPA,HUSNE TALAB=MANGNE KA SAUNDARYA,PINHAN=LUPT,DAIRE=GHERA,JAZBE SADAQAT=SATYA KI BHAWNA
|
Post a Comment