Ghazal,
wo milta hi nahin mujhse sambhal ke
magar jadu hai aanchal tak na dhalke
kahan tewar hain unme ab wo kal ke
hawa chalne lagi hai rukh badal ke
judai ki ghadi hai dushmane dil
bala hai ye nahin talti hai tal ke
ada unki maza deti hai humko
maza ata hai unko dil masal ke
wajoode shamma ko khatra hua hai
ki khud aatash hua parwana jal ke
paheli ban ke wo ojhal hua hai
kiye hain band dar sab usne hal ke
wafa ke phool tab samjho khilenge
jo ayega koi kanton pe chal ke
wo kar dete hain namumkin ko mumkin
meri aaghosh men aksar machal ke
nazar ke teer nazuk hain tumhare
jabhi purlutf hain ye waar halke
suhail us dil ki halat aur mahabbat
baha ankhon se wo pathar pighal ke
-------------------------------------------Suhail Kakorvi
wajood=astitva,aatash=aag,hal,sulajhna,purlutf,mazedaar,rukh=disha
TAJDEED,
Doston,
MUjhe fakhr hai ki facebook ke ahle nazar ki mujh par khaas inayat hai jiska suboot pichli ghazal par aye comments hain.kaisa kaisa mujhko nawaza hai
urdu ghazal ke apne kuch usool hain .qafia jab radeef men pewast hota hai to use mamula kehte hain aor aik ghazal men do mamule jaiz hain aisa aik baar Sanjay Shauq ke mohtaram ustaad Marhoom Naseem Akhter siddiqui ne asnai guftugu kaha tha.wo dabistaan Lucknow ke tasleemshuda ustaad the sukhandaan hone ke saath sukhan shanaas the.Pichli ghazal men maine do mamule keh liye the ki ghazal ke shair aur mere dost Tarun Prakaash ji ne "chalke' ke istemaal na hone ki baat kahi aor farmaish ki ke main doosri ghazal keh kar ye lufz zaroor istemaal karun.manjazel ghazal unki farmaish ki raah se aap lhazraat tak pahonch rahi hai.ispar bhi sab apnon se usi tawajjo ki ummmiid hai;
yahi ustaad kehte hain ghazal ke
Paseene chut gaye is raah chal ke
use dekha,huin mujjhse hi baghi
Tamannaiye meri mujh men hi pal ke
hamare aaj par aaei hai aafat
Bhulaye usne sab wade wo kal ke
unhen bhi ishq ka chaska laga hai
wo reh jayenge ik din haath mal ke
azeeat ka ajab alam hua hai
unhen dekha tha humne dil badal ke
jise tum ne chupa rakha hai dil men
kahin wo raaz ankhon se na chalke
use wusat milegi jo ye samjhe
samander ban gai hai burf gal ke
meri himmat ke qail wo bhi ab hai
Suhail is aatashe ulfat men jal ke
--------------------------------------Suhail Kakorvi
wusat=extention,azzeat=takleef
|
Post a Comment